90 пайыз денеси күйүп кеткен. Ысык-Көлдө турбазадан өрт чыгып бир киши каза болду

Ысык-Көлдө турбазадан өрт чыгып бир адам каза болду. Бул тууралуу ӨКМнын маалыматына шилтеме берип “Барометр” билдирет.

Маалым болгондой, 22-январда Ысык-Көл районунун Кызыл-Өрүк айылына караштуу “Улан” турбазасынын өткөрмө пункту күйүп жаткандыгы тууралуу маалымат келип түшкөн.

“Тилсиз жоо саат 18:38де чектөөгө алынып, 19:15те толук өчүрүлгөн.

Өрттүн кесепетинен 74 жаштагы К.А. аттуу эркек 90% денеси күйүп, 4 даражадагы күйүк алган, ооруканага жеткирилип, ооруканадан каза болуп калган.

Учурда кырсыктын келип чыгуу себеби такталууда”, -деп айтылат маалыматта.