27 жаштагы жөө жүргүнчүнү өлтүрө сүзүп кетти

Бишкектин Түштүк магистраль жагынан жөө жүргүнчүнү өлтүрө сүзүп кетишти. Бул тууралуу Жол кыймылынын коопсуздугун камсыздоо башкы башкармалыгынын басма сөз кызматы билдирди.

Маалыматта айтылгандай, окуя кечээ 24-февралда  түнкү саат 23:00  чамасында катталган. Анда 27 жаштагы Н.Д. аттуу жаранды А. Токомбаев атындагы көчөдөн Фольксваген-Гольф-5 үлгүсүндөгү унаасы менен күн батыш тарапты көздөй бара жаткан айдоочу сүзүп алган. Жаракат алган жаран ооруканага жеткирилгени менен каза болуп калган"-деп билдирет басма сөз кызматы.

Кырсык боюнча тиешелүү экспертизалар дайындалып, тергөөгө жиберилди.