2022-жылы экономикалык өсүш 6,5 пайыз деңгээлинде болот

Салык, акча-насыя, инвестиция, бюджет жана башка саясаттарды ишке ашыруу 2022-жылы Кыргызстандын макроэкономикалык туруктуулугун камсыздайт. Бул тууралуу Евразиялык өнүгүү банкынын 2021-2023-жылдар үчүн макроэкономикалык баяндамасында айтылганын “Барометр” маалымдайт.

2022-жылы экономикалык өсүш 6,5 пайыз деңгээлинде, номиналдык көлөмү 713,7 млрд сом, ал эми Кумтөр кенин кошпогондо 5 пайыз деңгээлинде болору күтүлүп жатат.

6,5 пайыздык деңгээлдеги экономикалык өсүш Ички дүң өндүрүмдү калыптандыра турган экономиканын баардык тармактарында болмокчу.ИДӨдөгү негизги үлүштү 46,2 пайызга-тейлөө тармагы, 42,9 пайызга товар өндүрүү тармагы түзмөкчү.