Бишкектеги ботаникалык бакчада өрт чыкты

18-май күнү Бишкектеги ботаникалык бакчада өрт чыкты. Бул тууралуу ӨКМнын басма сөз кызматы берген маалыматка шилтеме берип “Барометр” билдирет. 

“18-май күнү Ахунбаев №1а дарегинде жайгашкан Э.Гареев атындагы ботаникалык бакчанын аймагында куураган чөп күйүп жаткандыгы тууралуу маалымат түшкөн”, - деп айтылат маалыматта.

Саат 20:08 өрттү өчүрүү үчүн №5 ӨКБдан бир  бөлүм  тартылып, саат 20:26 өрт чектөөгө алынып, 20:50 өрт толук өчүрүлгөн.