Кеминде унаа даракты сүзүп, кыз менен жигит каза тапты

Кемин районунун Ударник айылындагы Ленин көчөсүндө Daewoo Nexia унаасынын айдоочусу рулду башкара албай калып даракты сүзгөн. Бул тууралуу Өзгөчө кырдаалдар министрлигинин басма сөз кызматынан кабарлашканын “Барометр” маалымдайт.

Кырсыктын кесепетинен 2004-жылы туулган жигит жана кыз каза тапты. Дагы үч өспүрүм ар кандай жаракаттарды алышты, алардын өздүгү такталууда.

Каза тапкандардын денесин унаадан куткаруучулар чыгарышты.

Жабыркагандарды тез жардам алып кетти.