Көчмөндөр оюндарына атаандыш оюн кошуна Казакстандан чыгат

Казакстан учурда биринчи улуттук спорт боюнча Олимпиядалык оюндарды өткөрүүнү көздөп жатышат. Бул тууралуу Казак Республикасынын дене тарбия жана спорт комитетинен кабарлашты. Билдирүүгө караганда ЮНЕСКО 2021-жылы алгачкы этноспорт оюндарын уюштурганы жатат. Бул масштабдуу окуяга катышуучу 4 өлкөнүн катарын Казакстан, Түркия, Канада жана Түштүк Корея ээлейт. Ал эми Кыргызстан Бүткүл Дүйнөлүк Көчмөндөр оюнун азыр ЮНЕСКОнун тизмесине каттатуу аракетин көрүп жатат. Эске салсак, 2018-жылдын эсеби менен өлкөдө үчүнчү ирет аталган оюнду өткөрүү пландаштырылган.