Казакстанда - 20 градус суук болушу күтүлүүдө

Казакстанда аба ырайын алдын ала болжолдоочулар 2-3-4-ноябрда аба ырайы кандай болорун маалымдашты.Бул тууралуу Казакстандын ЖМКларына таянуу менен “Барометр” кабарлайт.  

Казгидрометтин берген маалыматына таянсак, атмосфералык фронттордун келиши менен Казакстандын көп аймагында аба ырайы туруксуз болот. Жаан-чачындын арты карга айланат, катуу шамал болуп, туман түшүп, жолдор тайгак болот.

“Түштүк жана түштүк чыгышта катуу жаан-чачын жаайт. Муздак түндүк-батыш циклону келип жатканына байланыштуу жаан-чачындын арты температуранын абдан төмөндөшүнө алып келет. Түндүк батышта абанын жылуудугу -15 градуска, ал эми чыгышта -20 градуска, түштүктө -13 градуска, түштүк-чыгышта -16 градуска чейин ылдыйлайт”,-деп айтылат маалыматта.

Эскерте кетсек, аба ырайын алдын ала болжолдоочулар кыштын суук болорун маалымдашууда.