Касымалиева Садыр Жапаровдун ордуна премьер-министрликке жаңы талапкерди көрсөтүүнү сунуштады

Жогорку Кеңештин төрагасынын орун басары Аида Касымалиева көпчүлүк коалициясынын депутаттарына премьер-министрликке жаңы талапкерди көрсөтүүнү сунуштады. Бул тууралуу анын фейсбук баракчасына калтырган маалыматына шилтеме берип “Барометр” билдирет.

Касымалиева Жогорку Кеңештин көпчүлүк коалициясынын депутаттарына кайрылды, алар анын айтымында, үч күн мурун баары биригип Кыргызстандын премьер-министринин кызмат ордуна Садыр Жапаровдун талапкерлигин көрсөтүүнү колдошконун жазды.

“ Биз бул кадамды ыкчам жасоого аргасыз болдук, анткени бизге мамлекеттин туруктуулугун, өлкөдөгү тынчтыкты жана тартипти камсыз кылуу каалоосу түрткү болду. Садыр Жапаров парламенттин ичиндеги жана тышындагы ар кандай саясий күчтөрдүн башын бириктирген, бийлик менен оппозициянын ортосундагы көпүрө боло турган, пикир келишпестиктерди жоюуга жардам бере турган жана жаңы парламенттик шайлоону үзгүлтүксүз өткөрүүгө шарт түзгөн адам болот деп ишендик.

Тилекке каршы, акыркы бир нече күндөгү окуялар анын жеке сапаттарына жана артыкчылыктарына карабастан, учурда коомдун олуттуу бөлүгү аны кабыл алуудан баш тартып, бүтүндөй өлкөнү бириктирүүнүн ордуна, тескерисинче, биз бөлүнүүнү жана пикир келишпестиктерди күчөтө тургандай абалда калыптангандыгын көрсөттү. Элдин ишенимине ээ өкмөттүн ордуна биз кыжырданууну пайда кылабыз, андан дагы көп нерсе, коомдук ынтымакка шарт түзүүнүн ордуна, анын премьер-министр болуп дайындалышы өзү коомдо дагы бир толкундоолорду жаратат », - деп жазган ал.

Биз мындай тобокелге барууга укугубуз жок. Ошондуктан, урматтуу депутаттар, мен Жогорку Кеңештин көпчүлүгүнүн коалициясына мурунку чечимин кайра карап чыгып, Кыргызстандын премьер-министринин кызмат ордуна жаңы талапкерди көрсөтүүнү сунуштайм », - деп жазган Аида Касымалиева.