Кара-Сууда чагылган түшүп 13 жашар бала каза болду

Кара-Суу районунда чагылган түшүп 13 жашар бала каза болду. Бул тууралуу ӨКМдин басма сөз кызматына шилтеме берип «Барометр» билдирет.

Кечээ, 21-июль күнү кечинде Ош облусунун Кара-Суу районунда Сарай айыл аймагына караштуу Миялы айылында чагылган түшүп, кырсыктын кесепетинен мал кайтарып жүргөн 2007-жылы туулган өспүрүм бала каза болду.

21-июлда Кара-Суу метеостанциясынын билдирүүсү боюнча 18:45те күндүн күркүрөшү башталып 21:40 ка чейин уланган. Алдын ала маалымат боюнча Ош облусунда көпчүлүк аймактарда жаан жаап күн күркүрөшү айтылган.