Каракол суусуна чөгүп кеткен киши табылды

Куткаруучулар Каракол суусуна чөгүп кеткен кишинин сөөгүн таап, туугандарына өткөрүп беришти. Бул тууралуу ӨКМдин басма сөз кызматына таянып "Барометр" билдирет.

Ысык-Көл облусунун Каракол шаарында 1-августта Тельман жана Турусбеков көчөлөрүнүн кесилишиндеги Каракол суусуна эркек киши (аты-жөнү такталууда) чөгүп кеткен. 

"Кечээ, 2-августта жерине издөө-иштерин улантуу үчүн саат 07:10до Каракол шаардык №15 ӨКБдан 16 куткаруучу тартылып, саат 08:30да маркумдун жансыз денеси табылып, ИИМдин кызматкерлерине өткөрүлүп берилди", - деп айтылат маалыматта.