Кара-Көлдөгү унаа кырсыгынан эки адам жабыркады

Жалал-Абад областында болгон жол кырсыгынан эки адам жабыркаганын Өзгөчө кырдаалдар министрлиги кабарлады. 

12-майда саат 08:30да Бишкек-Ош авто жолунун 427- чакырымында (Күрп-Сай участогу) “Хонда-Степ” жана “Тойота-Камри” унаалары кагылышкан.

Авто кырсыкта «Тойота» унаасындагы эки жүргүнчү, 1996-жылы төрөлгөн эркек С.Ж., жана 1965-жылы төрөлгөн аял К.А жабыркаган. Жабырлануучулар Кара-Көл шаарынын ооруканасына жеткирилген.