Кар тазалаш үчүн 37 атайын техника иштеп жатат

Бишкек мэриясынын коммуналдык кызматтары түнкү саат 01:30да көчөгө чыгышып ишин башташты. Бул тууралуу Бишкек мэриясынын басма сөз кызматына таянуу менен “Барометр” кабарлайт.

Саат 02:00дө “Тазалык” ишканасынын жол эксплуатациялык бөлүмүнүн кызматкерлери 37 атайын техника: 28 кар тазалоочу унаа, 4 универсалдуу унаа, 5 чакан трактор менен жолго техникалык туз төгө башташты.

Бүгүн эртең мененкиге карата 354 тонна техникалык туз төгүлдү.

Учурда 657 жумушчу штаттык режимде иштеп жатат.