Видео. Камчыбек Ташиев: "Жөндөмсүз өкмөттү таркатып Өмүрбек Текебаевди абактан чыгаруу зарыл"

Саясатчы Камчыбек Ташиев бүгүн, 9-апрелде маалыматтык жыйынын өткөрүп жатып Садыр Жапаров менен Өмүрбек Текебаевди абактан чыгаруу зарыл экенин билдирди.

Ташиев өз сөзүндө азыркы өкмөттөн эл тажагандыгын айтып, өкмөттү таркатуу керектигин баса белгиледи. Ага кошумча саясатчы өкмөттү “жөндөмсүз” деп атады.

Өмүрбек Текебаев менен Садыр Жапаровдун абактан чыгуусу элдин көптөн күткөн тилеги экенин да кошумчалады.

Эске салсак, саясатчы Өмүрбек Бабанов менен да чогуу экендигин айгинелеп:

“Баардык жакшы нерселер эми башталат”, -деген билдирүү менен бөлушкөн эле. Андан тышкары официалдуу эмес булактар Бабановга өкмөттү башкаруу тууралуу сунуш түшкөнүн кабарлашкан.