Кабулдун аэропортунда жарылуу болду

Кабулдун аэропортуна жакын жерде жарылуу болду. Бул тууралуу РИА Новости булагына таянуу менен “Барометр” билдирет.

"Талибан" кыймылынын (Кыргызстанда тыюу салынган) өкүлдөрү эң аз дегенде 13 адам каза тапканын, анын ичинде балдар бар экенин маалымдашты.

Twitterге Fox News булагынын журналисти жазганына караганда эң аз дегенде үч америкалык аскер жаракат алды.

Болжолдуу маалыматтарга караганда жардырууну жанкечти жасашы мүмкүн. Al-Arabiya телеканалы экинчи жарылуу болушу мүмкүн деген маалыматты таратып жатат.

Буга чейин Кабулдун аба майданына чабуул жасалышы мүмкүн экенин Улуу Британиянын Коргоо министринин орун басары Джеймс Хиппи билдирген. Ал жеке булактарынан бул маалыматты укканын жарыялаган.