Ивановка айылында болгон кырсыктан 3 адамдын өмүрү кыйылды

Бишкек-Нарын-Торугарт унаа жолунун 50 чакырымында, Ысык-Ата районунун Ивановка айылында "Mercedes-Benz" унаасы жолдун ортосундагы бетон тосмону сүзгөн. Бул тууралуу Өзгөчө кырдаалдар министрлигинин басма сөз кызматынан кабарлашканын “Барометр” маалымдайт.

Кырсыктын кесепетинен 3 адам (1 эркек, 1 аял, 1 бала) көз жумду, 2 адам ар кандай жаракаттарды алышты.

Окуя болгон жерде ӨКМнын №21 Токмок бөлүмүнүн төрт куткаруучусу иштеди, алар жабырлануучуларды унаадан чыгарып тез жардам кызматына өткөрүп беришти.

Каза тапкандарды куткаруучулар барганга чейин тез жардам алып кеткен.