Instagram баракчасынын колдонуучусу Роналду рекорд жаңыртты

 Португалиялык футболчу жана "Ювентус" клубунун оюнчусу Криштиану Роналду Instagram тармагындагы эң популярдуу колдонуучу аталды. Ага рекорддук сандагы адамдар жазылган.

Goal.com спорттук порталдын маалыматына караганда, жаңы рекорд дүйшөмбү күнү, 29-октябрда  коюлган. Тагыраагы, футболчунун баракчасына 144,36 миллион адам жазылганы белгилүү болду.

Муну менен Роналду 2016-жылдан бери лидерликти бербей келген Селена Гомести артта калтырды. Популярдуу ырчынын 144,318 миллион фолловери бар.

Португалиялык футболчу 2018-жылдын жай айларында мадриддик "Реал" клубунан "Ювентуска" өткөн.

Бул жаңылыкты уккан Селена Гоместин күйөрмандары ага кайгырышууда.