Индиялык студенттер аларды Кыргызстандан алып кетүүсүн атактуу актёрдон суранышты

Кыргызстанда окуп жаткан индиялык студенттер атактуу актёрго кайрылып, мекенине алып кетүүсүн өтүнүштү. Бул тууралуу индиялык студенттерге шилтеме берип «Барометр» билдирет.

Кыргызстандын ЖОЖдорунда билим алып жаткан индиялык студенттер атактуу актёр Сону Судка интернет аркылуу кайрылып, мекенине алып кетүүсүн өтүнүшкөн.

Өз кезегинде актёр чет өлкөдө окуп жаткан мекендештерине жардам бере турганын айтып, «бул менин кийинки миссия» деген.

Эгерде актёр жардам берсе 4 миң индиялык студент мекенине кайтат.

Белгилей кетсек, Сону Суд Индияга атагы чыккан белгилүү актёр, модель жана продюсер.