Хабибдин иниси да UFCнин беттештерине чыгууга камданып жатат

UFCнин жеңил салмактагы чемпиону Хабиб Нурмагомедовдун тууганы Умар Нурмагамедов да жакында беттешке чыгат. Бул тууралуу Хабиб Нурмагомедовдун соцтармактагы баракчасына жазылган маалыматка шилтеме берип “Барометр” билдирет.

Маалыматта, Умар Нурмагамедов да UFCнин беттештерине чыгууну көздөп жатканы айтылат.

“Буюрса 23-январда биз үчүн жоопту беттеш болот. Ошондо, Умардын UFCнин беттешине чыгууга мүмкүнчүлүк түзүлөт. Буюрса мен иниме ишенем, ал да өзүнүн өжөрлүгүн жана жеңилгис баатырлыгын көргөзүп UFCнин чемпиону болот”, - деп жазды Хабиб Нурмагомедов.

Эске сала кетсек, ушул жылдын октябрь айында Хабиб Нурмагомедов аралаш мушташтагы карьерасын Жастин Гэтжени жеңгенден кийин дароо аяктаган. UFCнин орусиялык чемпиону Хабиб Нурмагомедов мындан ары ишмердүүлүк менен алек болору маалым болгон.