Хабиб Нурмагомедовдун Тажикстандагы колдоочулары UFC президенти Дана Уайт'ты таң калтырды

UFC уюмунун учурдагы президенти Дана Уайт мушкер Хабиб Нурмагомедовду Тажикстанда колдогондорго суктанды. Бул тууралуу ал өзүнүн instagram баракчасына жарыя кылды.

Дүйнөдөгү эң ири Ultimate Fighting Championship (UFC) мушкерлер уюмунун президенти буга байланыштуу видеону баракчасына коюп, ага “булар Дастин Порье менен Хабиб Нурмагомедовдун беттешинде Хабиб Нурмагомедовго зор сүрөөнчү болот” деген тариздеги билдирүү калтырган.

“These dudes are PUMPED for @khabib_nurmagomedov vs @dustinpoirier are u!?!?”, - деп жазган Уайт.

Билдирүү жарыяланганына 2 саат болгондо аны көргөндөрдүн саны 190 миңден ашкан.