Хабиб Нурмагомедов UFCнин мыкты мушкери наамынан убактылуу "ажыратылды"

UFCнин жеңил салмак категориясы боюнча чемпиону Хабиб Нурмагомедов аталган уюмдун сайтында эң мыкты мушкер наамынан убактылуу "ажыратылды". Бул тууралуу  Lenta.ru сайтына шилтеме берүү менен “Барометр” билдирет.

Ирландиялык Конор Макгрегор уюмдун сайтындагы UFC рейтингинде убактылуу алдыңкы орунду ээлеп, ММА күйөрмандарын таң калтырды.

Бишкек убактысы боюнча түнкү саат 00:30 чамасында UFC сайтында белгисиз өзгөрүүлөр болгон. Интернет колдонуучулар орусиялык Хабиб Нурмагомедов уюмдун мыкты мушкери статусунан ажыратылып, анын ордуна Макгрегор илинип калганын байкаган.

Бул өзгөрүүлөр бир топ ММА күйөрмандарынын нааразычылыгын жаратып, уюмду “жоопкерчиликсиз” деп айыпташты.

Жарым сааттан кийин UFCнин мыкты мушкерлеринин рейтинги баштапкы абалына келтирилип, Нурмагомедов мыктылардын сап башына чыгарылды.