Хабиб Конорду сындырдыбы? Макгрегор медициналык себептерден улам бир айга спорттон четтетилди

Невада штатынын атлетикалык комиссиясы Конор Макгрегорду бир айга спорттон четтети. Мындай чечим Конора Макгрегор текшерүүдөн өткөндөн кийин, медициналык себептерден улам кабыл алынган. Мындан улам Ирландиялык спортчу 2018-жылдын 6-ноябрына чейин октагонго чыга албайт. Ошол эле учурда ага 28-октябрга чейин спорт менен машыгууга да тыюу салынды.

Ал эми Хабиб Нурмагомедов да бардык текшерүүлөрдөн өткөн. Ага карата дарыгерлер чектөө киргизген жок.

Белгилей кетсек, Конор Макгрегор менен Хабиб Нурмагомедовдун беттеши 7-октябрда өткөн. Анда Хабиб Макгрегорду 4-раундда муунтуу ыкмасы менен жеңип алган. Бул беттештин аягы массалык мушташ менен аяктаган болчу.