Гүлжигит Алыкулов УЕФАнын мелдешиндеги алгачы голун киргизди (видео)

Кыргызстандын эң жаш жана мыкты футболчусу Гүлжигит Алыкулов учурда  "Кайрат Алматы" (Казакстан) командасы менен УЕФАнын Европа лигасында дебюттук оюнунда гол киргизди. Бул тууралуу казакстандык клубдун соц тармакка жарыялаган маалыматына шилтеме берип “Барометр” билдирет.

Гүлжигит Алыкулов УЕФАнын мелдештеринде гол киргизген алгачкы кыргызстандык футболчу болду.

Гүлжигиттин командасы  Армениянын "Ноа" клубу менен ойноду. Эсепти армениялыктар 9-мүнөттө ачкан. Беттештин 12-мүнөтүндө "Кайраттын" кыргызстандык футболчусу Гүлжигит Алыкулов гол киргизип, эсепти теңеди (1:1). Жыйынтыгында алматылыктар 4:1 эсебинде утуп, мелдешти ийгиликтүү башташты.