Футбол: Кыргызстан-Палестина тең чыкты

Кечээ, 6-сентябрда Кыргызстан-Палестина достук беттешинде жеңүүчү аныкталган жок. 

Оюн Бишкектин Дөлөн Өмүрзаков атындагы стадиондо өттү. 

Оюндун жүрүшүндө алгачкылардан болуп Мирлан Мурзаев кармаштын экинчи мүнөтүндө гол киргизип, эсепти ачса, Одай Дабагг 39-мүнөттө топту дарбазага киргизип эсепти теңеди.

Ал эми кийинки мүнөттөрдө эки команда тең гол киргизе алган жок. Натыйжада оюн 1:1 менен жыйынтыкталды. Эми биздин футболчулар 10-сентябрда Азия кубогуна даярдык көрүү үчүн Бишкекте Сириянын курамасы менен кез келет.