Эрдоган Кыргызстанга болгон иш сапары тууралуу Твиттерге жазды

Түркиянын президенти Режеп Тайип Эрдоган Твиттер баракчасына Кыргызстанга болгон иш сапары тууралуу жазды. Бул тууралуу чет элдик басылмалар жазышты. 

Эрдоган өзүнүн Твиттер баракчасына  эки өлкөнүн ортосунда күч алган мамилелердин мындан ары дагы өнүгүшүнө ишене тургандыгын айткан.

«Кыргызстанга болгон иш сапарда улуу урматтуу кесиптешим Сооронбай Жээнбеков менен баарлашып, баардык тармактар боюнча сүйлөшүүлөрдү жүргүздүк. Стратегиялык кызматташтыктын жогорку жыйынына катыштык. ФЕТӨ уюму (Фетхуллах Гүлендин террордук уюму) менен күрөшө турган жалпы маселелер туурасында сөз болду», -деп жазган Режеп Тайип Эрдоган. 

Мунун менен катар эле Түркия башчысы 3-Дүйнөлүк көчмөндөр оюндарынын ачылыш аземине катышкандыгын, кийнки көчмөндөр оюндары 2020-жылы түркияда өтө тургандыгын жана меймандостукту жогору туткан кыргыз элине жана президент Сооронбай Жээнбековго ыраазычылыгын билдирген.

Белгилей кетсек, Түркия мамлекетинин башчысы Режеп Тайип Эрдоган Кыргызстанда үч күндүк иш сапар менен болуп Борбор азиядагы эң чоң мечиттердин бири болгон  Бишкектеги  Имам Сарахси атындагы мечиттин ачылышына жана 3-Дүйнөлүк көчмөндөр оюндарынын ачылыш аземине катышты.