Эл аралык мелдеште “Северэлектро” ААКнын командасы экинчи орунду ээледи

20-сентябрдан тарта Казакстан Республикасынын Кызылорда шаарындагы «Кызылорда бөлүштүрүү» компаниясынын полигонунда КМШ өлкөлөрүнүн энергетика тармагындагы 10/0,4 кВ бөлүштүрүү жана кызмат көрсөтүү тармагынын кесипкөй бригадаларынын  катышуусунда өтүп жаткан XVI эл аралык  мелдеш жыйынтыкталды. Мелдешке Казахстан, Өзбекстан, Таджикистан, Беларусь, Азербайжан, Грузия, Россия Федерациясы жана Кыргызстанболуп 8 өлкө катышкан.Бул мелдеште Кыргызстандын намысын КРнын 2019-жылдагы бөлүштүрүү компанияларынын ичинен оперативдик-оңдоо кызматынын мыкты бригадасы болгон «Северэлектро» ААКнын адистери коргошту.

Бардык командалар 7 этаптан турган тапшырмаларды аткарышты. 6 практикалык тапшырма жана азыркы нормативдик-техникалык документацияны “АСОП” программалык комплексин колдонуу менен 1 теоретикалык экзамен.

Мелдештин жыйынтыгында Кыргызстандын атынан барган “Северэлектро” ААКнын командасы байгелүү экинчи орунду ээлесе, команданын устаты (мастер) Саматбекуулу Стамбек“мыкты мастер” наамына татыды. 1-орунду Россия Федерациясынын командасы алса, бизден кийинки орун Тажикстан Республикасына буйруду.

Эске сала кетсек, мындай мелдеш КМШ өлкөлөрүнүн энергетиктеринин ортосундагы байланышты бекемдеп туруу үчүн эки жылда бир ирет  өтүп турат.