Экономикалык кылмыштарга каршы күрөшүү мамлекеттик кызматында коомдук кабылдама ачылды

Экономикалык кылмыштарга каршы күрөшүү мамлекеттик кызматында коомдук кабылдама ачылды. Бул тууралуу мекеменин басма сөзкызматы маалымдады. Борбордук аппаратта ачылган кабылдамада нөөмөттөгү тергөөчү жарандардын кайрылууларын, арыз, билдирүүлөрүн кабыл алып, юридикалык консультация берет. 

Мамлекеттик кызматтын төрагасы Бакир Таиров белгилегендей, коомдук кабылдаманын ачылышы жарандардын кайрылууларын тез арада жана ар тараптуу караганга, ошондой эле түшкөн арыздардын каралышын көзөмөлдөөнү жакшыртат.