Бишкекте ЕККУнун Парламенттик ассамблеясынын жыйыны өтөт

Бишкекте Европадагы коопсуздук жана кызматташтык уюмунун Парламенттик ассамблеясынын (ЕККУ ПА) күзгү жыйыны 3-6-октябрь күндөрү Бишкек шаарында өтөт.

Анда Борбор Азия жана анын тышындагы аймактардын коопсуздугу талкууланат. Жыйынга Европа, Азия жана Түндүк Американын 57 мамлекетинен 300дөн ашуун парламент өкүлдөрү катышат.

3-октябрда “Ала-Арча” резиденциясында өтө турган ЕККУ ПАнын ачылыш аземине президент Сооронбай Жээнбеков, Жогорку Кеңештин төрагасы Дастанбек Жумабеков, Парламенттик ассамблеянын төрагасы Георгий Церетели катышат.