Дональд Трамптын "Феррари" автоунаасы аукционго коюлду

Mecum Auctions компаниясы буга чейин АКШ президенти Дональд Трампка таандык болгон Ferrari F430 унаасын аукционго коюла тургандыгын жарыялады. Бул тууралуу аталган компаниянын сайтына жарыяланган маалыматка шилтеме берип “Барометр” билдирет.

Унаа сатып алууда сатып алуучуга унаанын мурунку ээсинин документтеринин көчүрмөсү берилет. Аларда Трамптын Нью-Йорктогу дареги жана жеке колу бар.

Ал эми, жаңы шайланган АКШнын президенти Джо Байден Дональд Трампты мамлекет башчысынын милдетин аткарууну каалабайт деп айыптаган. Ал мамлекеттин жетекчисине бул иш эмне үчүн керек болуп жаткандыгын түшүнө албай жатканын айткан.