Дүйнөнүн эң бай адамы аталды. Ал Илон Маск эмес

Миллиардер Илон Маск дүйнөдөгү эң бай адамдардын тизмесиндеги лидерлик позициясын жоготуп жатат. Аналитиктер жазгандай, мындай рейтингдердин тез өзгөрүшү бүгүнкү рыноктун канчалык күтүүсүз жана туруксуз экенин көрсөтүп турат. Бул тууралуу Euronews телеканалына шилтеме берип “Барометр” билдирет.

LVMH (Louis Vuitton Moët Hennessy) жетекчиси Бернар Арно дүйнөдөгү эң бай адам болду. Forbes белгилегендей, миллиардерлер тизмесинин сап башына чыккан француз ишкеринин байлыгы 207,6 миллиард долларга бааланган. 
Ал эми, Илон Маск бүгүнкү күндө 204,7 миллиард долларга ээ.

Басылманын маалыматы боюнча, өткөн аптада бир күндө эле Арнонун капиталына 22,7 миллиард доллар кошулган. Балким, дал ушул өсүш ага Масктан озуп кетүүгө мүмкүндүк берген.

Мындан тышкары, акыркы 2 жылдын ичинде, LVMH рынокто ийгиликтүү жана туруктуу абалга ээ болду. LVMH тандалган чекене сатуудан олуттуу киреше алып келет. Компаниянын чоң кирешеси Sephora дүкөндөр тармагынан жана DFS эксклюзивдүү продуктуларынын эл аралык галереяларынан да келет.