Димаш Кудайберген Азиядагы эң келбеттүү мырза деп таанылды

Казакстандык ырчы Димаш Кудайберген Азиядагы эң келбеттүү эркек деп таанылды. Бул тууралуу “King Choice” сайтына шилтеме берүү менен “Барометр” маалымдайт.

Аталган сайтта өткөн онлайн-добуш берүүнүн жыйынтыгы менен Димаш Кудайберген 9 304 871 адамдын добушун алган. Ал эми экинчи орунду Түштүк Кореянын “BTS” тобунун ырчысы Ким Сокджин ээлеген, Ага 8 197 925 адам добуш берген.Үчүнчү орунга дагы бир түштүк кореялык ырчы Чха Ын У 1 918 514 добуш алуу менен чыккан.

Эскерте кетсек, эң келбетүү азиаттардын конкурсу кечээ 30-сентябрга чейин болду. Бул сынакка Корея, Кытай, Тайван, Таиланд, Гонконг, Япония, Филиппиндин актерлору жана ырчылары катышты.