Депутат Улуттук банктын төрагасына: "5 млн ссудаңызды кечип коюп кантип уялбай кызматта олтурасыз"-деди

Депутат Абдывахап Нурбаев Улуттук банктын төрагасы Толкунбек Абдыгуловду кызматын өткөрүп берсин деди. Бул тууралуу депутат бүгүнкү парламенттин жыйында айтты.

Канча пайыз менен ссуда алдыңыз эле? Канча адамдыкы кечилген?-деген суроону берип баштап, 5 миллион 500 миң сом алынганын, башкалардыкы каралып жатканын билдирген төрагага "Уялбай кантип олтурасыз? Моралдык жактан уятыңызды сезсениз кызматыңызды өткөрүп бериниз"-деп кыйкырды.

"Мугалимдер 6 миң сом айлык алып, туугандарынан карызга акча чогултуп жүрөт. 200 миң сомдун тегерегинде эң көп айлык алып, мамлекет карызга батып жатканда 5 миллион сомду кечкенден уялдыңызбы?"-дедм депутат.

Ал эми Толкунбек Абдыгулов ал кезде өкмөттө иштеп жүргөндүктөн, бул кагазды өзү эсептен чыгарбагандыгын белгиледи. Ошондой эле айрым ссуда алган жөнөкөй кызматкерлердин дагы ссудасы эсептен чыгарылгандыгын кошумчалады.