Депутат Тазабек Икрамов дүйнө чемпионатынын коло байгесин утту

Жогорку Кеңештин депутаты Тазабек Икрамов күрөш боюнча ардагерлердин дүйнө чемпионатында коло байге утту.

Ардагерлердин дүйнө чемпионаты ушул күндөрү Грузиянын баш калаасы Тбилиси шаарында өтүп жатат.

Грек-рим күрөшү боюнча 70 кило салмакта күч сынашкан Тазабек Икрамов коло байге үчүн күрөштө түрк спортчусу Орхан Тикац’ты 4:0 эсебинде жеңип алды. 

Жогорку Кеңештин балбан-депутаты мелдештин 8/1 финалында венгриялык Золтан Шоллени 9:0 эсебинде утту. Ал эми чейрек финалда Финляндия балбаны Олави Лейто’ну да 9:0 эсебинде тоголотуп салды. Жарым финалда Ирандык балбанга жеңилип калган. Тазабек Икрамов Өнүгүү-Прогресс партиясынан VI чакырылыштагы Жогорку Кеңешке депутат болуп шайланып, чурда иштеп жатат.