Депутат Тазабек Икрамов дүйнө чемпионатында коло байге үчүн күрөшөт

Жогорку Кеңештин депутаты Тазабек Икрамов күрөш боюнча ардагерлер арасында дүйнө чемпионатында коло байге үчүн таймашат.

Ардагерлердин дүйнө чемпионаты ушул күндөрү Грузиянын баш калаасы Тбилиси шаарында өтүп жатат.

Тазабек Икрамов грек-рим күрөшү боюнча 70 кило салмакта күч сынашып жатат.

Балбан-депутат 8/1 финалда венгриялык Золтан Шоллени 9:0 эсебинде утту. Ал эми чейрек финалда Финляндия балбаны Олави Лейто’ну да 9:0 эсебинде тоголотуп салды.

Жарым финалда Ирандык балбанга жеңилип калды. Эми коло байге үчүн түрк спортчусу Орхан Тикац менен кармашат.

Тазабек Икрамов Өнүгүү-Прогресс партиясынан VI чакырылыштагы Жогорку Кеңешке депутат болуп шайланып, чурда иштеп жатат.