Депутат Сайдулла Нышанов: Алтынай Өмүрбекованын баяндамасын “жомок” деп сындады

Учурда Жогорку Кеңеште "өкмөттүк саат" өтүп жатат. Анда билим берүү, саламаттыкты сактоо, социалдык коргоо жана спорт бөлүгүндө Кыргыз Республикасында балдардын укуктарын ишке ашыруу жөнүндө маселе каралууда.

 Жыйындын жүрүшүндө вице-премьер-министр Алтынай  Өмүрбекова жасаган баяндаманы депутат Сайдулла Нышанов "жомок" деп сындады.

"Алтынай Сейитбековна, сиздин берген маалыматыңыз жомоктордун эле бири болуп калды.  Бул жомок. Конкреттүү бир эч нерсе жок. Сиз  вице-премьер-министр болуп келгенде бир топ сүйүндүм эле. Тың кыз,  жакшы иштеп берет деп, мен сиздин позицияңызды эч түшүнбөй жатам” деди депутат.