Депутат: Пенсия менен жөлөк пулдарды берүүдө үзгүлтүк болбойбу?

Калкты пенсия жана жөлөк пул менен камсыздоодо үзгүлтүк болбойбу? Бул тууралуу «Ата Мекен» фракциясынан депутат Шайлообек Атазов парламенттин жыйынында Социалдык фонддун өкүлүнөн сурады.

Жогорку Кеңештин жыйынында Социалдык фонддун башчысы Жаныбек Орозалиев пенсия берүүдө үзгүлтүк болбой турганын айтты.

“Министрлер кабинетинде көп өзгөрүүлөр болду. Социалдык фонд Саламаттыкты сактоо жана социалдык өнүгүү министрлигинин кармагына өттүңөр. Кайсы мыйзамдын негизинде иштеп жатасыздар?,-деп сурады депутат.

“Социалдык фонддун мыйзамдары алкагында иш жүрүп жатат”,-деп айтты Орозалиев.

Ошондой эле учурда Кыргызстанда 700 миң пенсионер бар экенин Социалдык фонддун өкүлү кошумчалады.