Депутат Мирлан Бакиров: Бишкекте абанын бузулушу унаанын көптүгүнөн болууда

Бүгүн, 26-сентябрда Жогорку Кеңештин жыйынында «Атмосфералык абаны коргоо жөнүндө» мыйзам долбоору каралды. Жыйында депутат Руслан Казакбаев экологияны коргоо жаатында эл аралык Киото протоколунна ылайык, долбоорлорду жазып, 100 млн долларга чейин гранттык каражат алуу мүмкүнчүлүгүн колдонуу керектигин КР Өкмөтүнүн эсине салды.

Ал ортодо депутат Мирлан Бакиров Бишкек шаарында атмосфералык абанынын булганышына эң көп автомобиль транспорту себеп болуп жаткандыгын айтып, бак-дарак отургузуу сыяктуу жөнөкөй чаралар көрүлбөй жатканын айтты.