Депутат Махабат Мавлянова элге ыр менен кайрылды - видео

Жогорку Кеңештин депутаты Махабат Мавлянова кыргыз эли башка түшкөн оорчулукка моюн сунбаган эл экенин, кыйынчылыктарды татыктуу жеңип келгенин айтып, социалдык баракчасы аркылуу элге кайрылды.

“Кыргыз эли байыркы жана намыскөй эл. Башына түшкөн оор мүшкүлдөрдү, кыйынчылыктарды эр жүрөктүүлүк менен жеңип келген. Бул кыйынчылыктарды дагы жеңебиз”, — деди ал.

Эл өкүлү андан сырткары "Мен кыргызмын" деген төрт сап ырды айтып берди.

Мен кыргызмын сатылбаган сатпаган,

Мен кыргызмын каада-салтты сактаган.

Ата-журтка жасайын деп бир эмгек,

Ар күн сайын чоң казатка аттанам.

Мен кыргызмын айга, күнгө жашташмын,

Эзелкимин, келечекмин, максатмын.

Кылы дагы кыйшайышын каалабайм,

Кырчындаган кыргыз деген жакшы аттын.