Депутат: "Фракциянын лидери алмашаарын ММКалардан окудум"

Кээ бир Жалпыга маалымдоо каражаттарында «Республика—Ата Журт» парламенттик фракциясынын лидери алмашканы тууралуу маалымат тарады. Болжолдуу маалыматтар боюнча, депутат Мирлан Жээнчороев фракцияга лидер болушу мүмкүн.

Ал эми Жээнчороев өзү лидерди алмаштыруу маселеси көтөрүлбөгөнүн айтып: «Фракциянын лидери алмашылат деген маалыматты ММКалардан окуп жатам. Регламент боюнча 28 депутаттын баарында аталган кызматка талапкер болуу укугу бар. Өткөндө ротация аркылуу алмашуу болгон. Бүгүн фракциянын отуруму өткөн жок. Күн тартибинде да мындай маселе каралган эмес», - деп билдирди.