Данияр Абдыкаров өзү берген рапортунун негизинде министрдин орун басарынын кызматынан бошотулду

Данияр Абдыкаров өзү берген рапортунун негизинде министрдин орун басарынын кызматынан бошотулду.  Анын ордуна милициянын полковниги Мирлан Каниметов дайындалды. Бул тууралуу  Ички иштер министрлигинин басма сөз кызматы билдирди. 

Каниметов 1970-жылы Нарын облусунун Кочкор районунда Кара-Мойнок айылында туулган. ИИМ академиясынын юриспруденция адистигин аяктаган.

Генерал Данияр Абдыкаров ички иштер министринин ыкчам иштер боюнча орун басары болгон. Анын дарегине карата парламентте жана маалымат каражаттарында бир катар сын-пикирлер айтылып келген.  Абдыкаров эмгек өргүүсүнө чыккан соң министрдин уруксатын албай туруп Туркияга эс алууга кеткен.