Дайынсыз деп изделип жаткан Альбина Бапиева Ленин айылындагы кафеден табылды

Бишкекте дайынсыз делип изделип жаткан 18 жаштагы Альбина Бапиева кафеден табылды. Бул тууралуу Октябрь РИИБнын маалымат кызматына шилтеме берип “Барометр” билдирет.

Маалым болгондой, милиция кызматкерлери дайынсыз делип изделип жаткан Альбина Бапиеваны бүгүн, 9-апрель күнү Ленин айылындагы кафелердин биринен табып, туугандарына өткөрүп беришкен.

Эске сала кетсек,  Альбина кечээ, 8-апрелде эртең менен сатт 8:00дордо үйүнөн чыгып кеткен бойдон кайрылып келбей жатканын айтып, кыздын жакындары "Барометрге" кайрылышкан. Альбинанын эжеси сиңдисинин дайынсыз болуп жатканы тууралуу милицияга да кабарланын да айткан. .