Тоолордо аӊ уулоо учурунда тургун инфаркт оорусунан каза болду

Жалал-Абад областында аӊчылык учурунда инфаркттан улам жаран каза тапты. Бул тууралуу КРдын Өзгөчө кырдаалдар министрлигинен (ӨКМ) маалымдашты.

Кечээ, 10-декабрда Жалал-Абад шаарынын үч тургуну Кара-Жыгачка аӊчылык кылууга чыгышкан. Алардын бири 1964-жылы туулган К.Айткалов инфаркт болуп, каза тапкан. ӨКМдин алты куткаруучусу тургундун сөөгүн тоолуу жерден түшүрүп, милиция кызматкерлерине жиберген.