Бишкекте өрт өчүрүүчү унааны кортеждин айынан өткөрбөй коюшкан

Социалдык тармактарда, өрт өчүрүүчү унааны өткөрбөй койгон патрулдук милиция кызматынын кызматкерине нааразы болушууда.

Видеодон Бишкектеги көчөлөрдүн биринде патрулдук милициянын кызматкери конок кортежин камсыз кылуу үчүн өрт өчүргүч унааны жолдон өткөрбөй жатканын көрүүгө болот.

Анда өрт өчүрүүчү унаанын айдоочусу милиция кызматкерине өрт чыккан жерге баратканын айтып кыйкырып жатат.

"Тигил жакта киши өлүп баратат! Өткөрүп койгула!", - деп кыйкырган ал. Бирок ага жолду ачышкан эмес, бул учурда кортеж өтүп жаткан.