Аламедин районунда эки кабаттуу турак жай күйүп кетти

Чүй областынын Аламедин районунда ири өрт катталды. Бул тууралуу Өзгөчө кырдаалдар министрлигинин басма сөз кызматы билдирди.

Жалын Лебединовка айылынын Комсомол көчөсү боюнча жайгашкан эки кабаттуу турак үйдүн 5 бөлмөсүн каптап, 250 чарчы метр аянт, ошондой эле, үйдөгү эмеректердин баардыгы толугу менен күйүп кеткен. Өрттүн себеби: электр жабдыктарын монтаждоо эрежелерин бузуу.