Беловодск айылында айдоочу аялды сүзүп кетип, ал каза тапты

Чүй областынын Москва районуна караштуу Беловодск айылында автоунаанын айдоочусу аялды сүзүп кетип, натыйжада жаран каза тапкан. Бул боюнча укук коргоо органдарынан билдиришти.

Алдын ала маалыматтарга ылайык, жол кырсыгы кечээ, 29-ноябрда, кечки саат жетилерде болгон. Алган жаракаттарынан улам, 1963-жылы туулган О.У. аттуу аял ошол жерден мерт кеткен.

Учурда окуяга байланыштуу иликтөө иштери жүрүп жатат.