Алай районунда "Лексус" оодарылып кетип, үч киши каза тапты

Алай районунда Ош-Эркештам автожолунун 54 чакырымында жол кырсыгы катталды. Анын кесепетинен 3 адам каза тапты.

Жолдо жүрүп келаткан "Лексус 470" автоунаасынын айдоочусу унааны башкара албай калган, натыйжада автоунаа тоголонуп кетип, 3 киши мерт кетти.

Окуя болгон жерге Алай райондук ИИБсинин ыкчам-иликтөө тобу барган. Учурда иликтөө уланууда.