Атамбаев Санкт-Петербургда VI Эл аралык маданий форумдун ачылышына катышты

Президент Алмазбек Атамбаев Санкт-Петербургга болгон иш сапарынын алкагында, ардактуу конок катарында VI Эл аралык Санкт-Петербур маданий форумдун ачылышына катышты.

Россиянын президенти Владимир Путин форумдун ачылышында мамлекет башчы Алмазбек Атамбев менен саламдашып, ошондой эле, салтанаттуу иш-чаранын катышуучуларына кайрылды.

«Мына алтынчы ирет дүйнөнүн көптөгөн мамлекеттердин чыгармачыл ишмерлери, кесиптештер менен искусство, билим берүү маанилүү маселелерин, тарыхый жана маданий мурасты сактоону талкуулоо үчүн, өздөрүнүн идеялары менен бөлүшүү үчүн, гуманитардык кызматташтыкта өнүгүүнүн жаӊы векторлорун аныктоо үчүн ушинтип Санкт-Петербургда чогулуп жатышат», - деди президент Владимир Путин.