Эртеӊ Бишкектин айрым райондоруна таза суу берилбейт

16-ноябрда саат 9.00дөн кечки саат 19.00гө чейин Бишкектин айрым райондоруна ичүүчү таза суу берүү токтотулат. Бул тууралуу «Бишкексууканал» башкармалыгынан маалымдашты.

Керимбеков көчөсүндөгү Д=150 мм суу түтүгүндө жүргүзүлгөн оӊдоо-монтаждоо иштерине байланыштуу Манас, Пушкин, Исанов, Токтогул көчөлөрү менен чектелген райондорго таза суу берилбейт.

Анын ичинде төмөнкү имараттарга суу берүү токтотулат: Россия элчилиги;

·         № 51 бала бакча;

·         БУУ Өнүгүү программасы имараты;

·         "Бишкек-Парк" соода борбору;

·         Демир Банк, Тез жардам станциясы.

Аталган ишкана келтирилген ыӊгайсыздыктар үчүн кечирим сурайт жана жарандар, уюмдар менен мекемелерден таза сууну камдап алууларын өтүнөт.