Бүгүн Кыргызстан боюнча жамгыр жаап, тоолорго кар түшөт

Кыргызгидрометтин берген маалыматына ылайык, түнкүсүн Ош, Жалал-Абад, Баткен областтарынын айрым тоолуу райондорунда жамгы жаайт, ал эми калган аймактарда күн ачык болот.

15-ноябрда күндүз жана 16-ноябрда түнкүсүн терииториянын көпчүлүк бөлүктөрүндө жаан-чачын күтүлөт, Чүй, Талас өрөөндөрүндө жана тоо этектериндеги райондордо карга айланган жаан жаап, тоолорго кар түшөт. Батыштан соккон шамалдын ылдамдыгы секундасына 4-9 метрди түзөт. Ысык-Көл акваториясы боюнча соккон шамалдын ылдамдыгы секундасына 15-20 метрге чейин жетет.

Бишкекте бүгүн, күн ачык болот, күндүз мезгил-мезгили менен жамгыр жаайт, жаан карга айланышы мүмкүн. Батыштан соккон шамалдын ылдамдыгы секундасына 4-9 метрди түзөт.

Түнкүсүн: +1…+3
күндүз: +6…+8

Чүй областы
түнкүсүн: -1…+4
күндүз: +4…+9

Талас областы
түнкүсүн: -4…+1
күндүз: +4…+9

Баткен областы
түнкүсүн: -1…+4
күндүз: +7…+12

Ош жана Жалал-Абад областтары
түнкүсүн: -2…+3
күндүз: +7…+12

Ысык-Көл областы
түнкүсүн: 0…-5
күндүз: +3…+8

Нарын областы
түнкүсүн: 0…-5
күндүз: +3…+8