Бишкекте өрттүн кесепетинен 3 унаа күйүп кетти

Бишкекте Гагарин менен Люксембург көчөлөрүнүн кесилишинде өрт чыгып, натыйжада үйдүн мансарты күйдү. Бул тууралуу Өзгөчө кырдаалдар министрлигинин басма сөз кызматынан билдиришти.

Министрликтен маалымдашкандай, жалын түн ичинде саат 01:15те болгон.

«Натыйжада ошондой эле 3 унаа дагы күйүп кеткен: «Мерседес Спринтер», «Жигули» жана «УАЗ». Алдын ала маалыматтарга ылайык, күйгөн жердин жалпы аянты 1 миӊ чарчы метрди түзгөн», - деп билдиришти ӨКМден.

Бүгүнкү күндө өрттүн себептери жана келтирилген зыяндын суммасы такталууда.

Өрттү өчүрүү үчүн 7 куткаруучу, 5 өрт өчүрүүчү техника тартылган. Өрт толугу менен саат 07:07лерде өчүрүлгөн.