Бир суткада 22 өрт катталды: Ала-Белде 23 тонна кумшекер күйүп кетти

Кыргызстанда өткөн сутка ичинде, 29-30-октябрь күндөрү 22 өрт катталды. Бул тууралуу КРдын Өзгөчө кырдаалдар министрлигинен билдиришти.

Токтогул районундагы Ала-Бел ашуусунда Бишкек-Ош автожолунун 237 чакырымында фуранын прицебинен жалын чыгып, натыйжада 23 тонна кумшекер менен 6 дөӊгөлөк күйүп кеткен.

Өрттүн себеби – автотранспортту эксплуатациялоодо коопсуздук эрежелерин сактабагандык эсептелет.